Deputeti i Kuvendit të Republikës së Kosovës, Agim Veliu, ka ngushëlluar familjarët, kolegët për ndarjen nga jeta të ish-deputetes, Lumnije Kajtazi-Hyseni, përcjell InLajmi.
Veliu ka shkruar së me ikjen e saj Lidhja Demokratikë e Kosovës humbi një veprimtare të devotshme e cila që në rini ka kontribuar njëherë si kryetare Forumit të Gruas në Podujevë, pastaj anëtare e Kryesisë së Forumit Gruas të LDK-së dhe se fundmi deputete e Kuvendit të Kosovës në 2 mandate.
Sipas tij e ndjera ishte punëtore e palodhshme qe kontribuoi shumë në arsimimin e shumë brezave.
Postimi i plotë i tij:
Me pikëllim e dhimbje të thellë mora lajmin për ndarjen nga jeta të Lumnije Kajtazi – Hyseni, aktivistes së hershme të LDK-së dhe kontribueses së madhe për arsimin në Llap.
Me ikjen e saj të hershme në amshim, humbëm veprimtaren e devotshme të LDK-së, e cila në rini kontribuoi si kryetare e Forumit të Gruas në Podujevë, anëtare e Kryesisë së Forumit Gruas të LDK-së dhe deputete e Kuvendit të Kosovës për 2 mandate.
Lumnija ishte punëtore e palodhshme dhe kontribuoi shumë në arsimimin e shumë brezave si mësimdhënëse dhe drejtoreshë e shkollës.
Ngushëllime familjes, kolegëve dhe bashkëveprimtarëve të Lumes!/InLajmi/
