Një shfaqje qiellore do të ndodhë të enjtën në pjesën e Hemisferës Veriore, transmeton InLajmi.
Një eklips diellor i veçantë që ndryshe njihet si eklipsi unazor, do të shihet në një pjesë të globit. Gjatë këtij eklipsi Hëna do të lëvizë nëpër sipërfaqen e Diellit, por nuk do të bllokojë plotësisht dritën, duke lënë një shkëlqim vetëm rreth diskut të tij, që jep një pamje unaze.
Sipas agjencisë së lajmeve BBC, pamja më e mirë e këtij eklipsi do të jetë në Arktik, por megjithatë një pjesë e tij do të shihet edhe në disa vende të globit, përfshirë Shtetet e Bashkuara lindore dhe Alaskën veriore, bashkë me pjesën më të madhe të Kanadasë, Grenlandës dhe në disa pjesë të Evropës dhe Azisë./InLajmi
