Ndryshohet vendi i turnirit ku u parapa që te mbahet ndeshja e Prishtinës kundër Folgores, përcjell InLajmi.
Përmes një komunikatë në faqen zyrtare në Facebook FC Prishtina e ka bërë të ditur që është ndryshuar vendi i ndeshjes mes Prishtinës dhe kampionit të San Marinos, Folgors.
Ndeshja do të mbahet në “Elbasan Arena” më 22 Qershor nga ora 20:00, gjysmëfinalja tjetër në Durrës kurse finalja në Elbasan më 25 Qershor.
Komunikata e plotë e F.C Prishtinës:
Prishtina me Folgoren luan në Elbasan
Ndryshon vendi i turnirit
Prishtinë, 9 Qershor 2021 – Turniri i raundit preliminar i UEFA Champions League do të zhvillohet në Shqipëri, konkretisht në Durrës dhe Elbasan dhe jo siç ishte paraparë më herët në kryeqytetin e Ishujve Faroe, Torshavn.
Prishtina dhe Folgore do të takohen në “Elbasan Arena” më 22 Qershor nga ora 20:00.
Edhe finalja e turnirit do të zhvillohet në Elbasan më 25 Qershor nga ora 20:00, kurse gjysmëfinalja tjetër në Durrës.
Lajmin shumë shpejtë pritet të konfirmojë edhe UEFA. /InLajmi/
