Ish-kreu i OVL UÇK-së, Faik Fazliu është arrestuar nga Policia e Kosovës dhe i njëjti është dërguar në mbajtje për 48 orë, shkruan InLajmi.
Mirëpo Faik Fazliu është liruar ende pa kaluar 48 orë, lajmin për lirimin e tij e ka dhënë u.d i kryetarit të OVL UÇK-së, Faton Klinaku.
Për këtë rast Gazeta InLajmi ka kontaktuar me zëdhënësin e Prokurorisë Themelore në Prizren, Lutfi Morina i cili ka treguar arsyen pse Faik Fazliu është liruar pa kaluar 48 orë.
Sipas Morinës Policia pasi që e arreston një person i cakton një vendim për të dërguar në mbajtje që në këtë rast është ndalimi për 48 orë, dhe sipas tij në rastin e Fazliut prokurori e ka marrë në pytje dhe nuk ka pas rrethana për ta mbajtur më shumë.
“Në këto raste Policia e Kosovës pasi që të arreston një person në orët e natës i cakton mbajtjen deri në 48 orë, deri në momentin që prokuroi të takohet dhe të marrë deklaratën nga i arrestuari. Në këtë rast i dyshuari ka dhënë deklaratën pasi që është marrë në pyetje nga Prokurori dhe nuk ka pasë rrethana të tjera për ta mbajtur më gjatë”, ka deklaruar Morina për Gazetën InLajmi. /InLajmi/