Kryetari i Aleancës për Ardhmërinë e Kosovës, Ramush Haradinaj ka përkujtuar deshmorët e rënë 22 vite më parë, përcjell InLajmi.
Haradinaj ka bërë homazhe dhe ka vendosur lula në nderim të tyre ku ka thënë se ata ishin luftëtarët më të zot që ka njohur gjatë përpjekjeve për liri e çlirim.
Ndër të tjera Haradinaj ka thënë se në këtë ditë ka shumë kujtime e sidomos gjatë qershori, që aj e quanë qershorin e lirisë, që për të është motiv që të punojë sa më shumë për shtetin.
Postimi i plotë i tij:
Ata ishin luftëtarët më të zot që njoha gjatë përpjekjeve tona për liri e çlirim!
Nga Burimi që priu kreshnikët e pamposhtur në qindra aksione e beteja dhe Shpendi që theu kufirin me dhjetëra herë për të sjellur armët e lirisë, u ndamë para njëzetedy viteve.
Kujtuam sot po ashtu, rënien heroike të Jeton Dedushaj, sypatremburit nga Malësia e Madhe dhe Enver Dobraj nga Carrabregu, me pushkën e të cilit u shënuan shumë aksione e beteja të UÇK-së.
Vdekja i ndoqi pas në çdo hap, por ata gjetën përjetësinë, në vigjilje të çlirimit të vendit dhe fitores së Ushtrisë Çlirimtare të Kosovës.
Kujtuam me mall, bashkëluftëtarin tonë, Zeqir Nimonaj, njeri i dashur dhe shpirtmadh, në dyvjetorin e ndarjes nga jeta.
Shumë kujtime, shumë dhembje e edhe më shumë krenari, në Qershorin e Lirisë, motivim që të punojmë sa më shumë për Atdheun dhe Shtetin. E lavdia e përjetshme ju takon Dëshmorëve!
RH /InLajmi/