Ish-kapiteni i Vushtrrisë, Drilon Fazliu është bashkuar me Llapin.
Sulmuesi 20 vjeçar nënshkroi kontratë 3 vjeçare me Llapin dhe përforcon radhët e skuadrës në prag të ndeshjeve ndërkombëtare të cilat skuadra llapjanë do ti ketë në Evropë pas triumfit në Kupën e Kosovës.
Fazliu ishte i kërkuar nga shumë skuadra kosovare, por zgjedhja e tij ishte Llapi dhe padyshim që edhe klubi është i kënaqur që pas një kohe të vëzhgimit arriti t’i siguroj shërbimet e sulmuesit vushtrrias.
Fazliu mund të luajë pozitën e sulmuesit dhe po ashtu edhe në krahun e djathtë. Në edicionin e fundit, ai kishte realizuar shtatë gola, ndërsa sa ishte Vushtrria pjesë e Superligës në edicionin 2019/20 kishte realizuar 10 gola, 8 në kampionat dhe 2 në Kupë, përcjell lajmi.net.
“Është ndjenjë e veçantë të jesh pjesë e fituesit të Kupës dhe skuadrës që do të marr pjesë në garat evropiane. Kisha oferta nga shumë skuadra tjera kosovare, por zgjedhja ime me zemër ishte për Llapin”, tha Drilon Fazliu.
