Kanë mbetur edhe 2 xhiro deri në përfundim të edicionit në Superligën e Kosovës në futboll.
FC Prishtina është gati ta rikthejë titullin në kryeqytet, teksa gjendet në vendin e parë me 5 pikë më shumë se Drita, 2 xhiro para fundit.
Prishtinasit po kalojnë formë të lartë teksa kanë shënuar fitore në 8 ndeshjet e fundit në Superligë.
Stadiumi “Fadil Vokrri” ka rezultuar i pakalueshëm për shumë kundërshtarë.
Nga 34 xhirot e zhvilluara deri më tash, FC Prishtina e ka vetëm një humbje si vendas, teksa ka regjistruar edhe 12 fitore dhe 4 barazime.
Humbja e vetme si vendas e kryeqytetasve është ndaj Gjilanit me rezultat 0:2 në xhiron e 8. shkruan Gazeta Express.
4 barazimet në “Fadil Vokrri” ndaj Prishtinës i kanë nxjerrë Llapi (0:0), Feronikeli (0:0), Drita (1:1) dhe Gjilani (0:0).
