FC Feronikeli ka njoftuar se ka shkëputur bashkëpunim kryetrajnerin e klubit, Klodian Duro, përcjellë InLajmi.
Feronikeli aktualisht është në vendin e 7-të me 35 pikë, duke rrezikuar seriozisht rënien nga elita.
“FC Feronikeli, nëpërmjet kësaj komunikate për media, konfirmon që ka shkëputur bashkëpunimin me kryetrajnerin e klubit, Klodian Duro”.
Postimi i plotë i FC Feronikeli:
Komunikatë për media
FC Feronikeli, nëpërmjet kësaj komunikate për media, konfirmon që ka shkëputur bashkëpunimin me kryetrajnerin e klubit, Klodian Duro.
Duke qenë se FC Feronikeli u eliminua edhe nga Kupa e Kosovës dhe duke mbetur shumë mbrapa me pikë në tabelën e Superligës së Kosovës, një ndryshim ishte tejet i nevojshëm, prandaj Kryesia e FC Feronikelit e pa të arsyeshme ndërprjerjen e bashkëpunimit me trajnerin, Klodian Duro.
FC Feronikeli falënderon trajnerin, Klodian Duro dhe i dëshiron sukses në karrierën e tij të mëtutjeshme.
Drejtimin e klubit, tani në pozitën e kryetrajnerit, do ta marrë, Faruk Elshani./InLajmi/
