Bashkimi Evropian ka ripërsëritur edhe njëherë kërkesën për formimin e shpejtë të institucioneve dhe zgjedhjen e presidentit.
Këtë, BE e nënvizoi edhe njëherë në njoftimin që e lëshoi për takimin e sotëm të shefit të Bashkimit Evropian në Kosovë, Tomas Szunyog me kreun e AAK-së, Ramush Haradinaj.
BE tha se është e rëndësishme dhe në interes të të gjithave partive politike që të lëvizin drejt progresit në rrugën evropiane, si dhe normalizimin e raporteve me Serbinë, shkruan lajmi.net.
“Ambasadori i BE-së në Kosovë pati një bisedë të mirë me Ramush Haradinajn. Është e rëndësishme që të formohet qeveria dhe presidenti të zgjidhet sa më shpejtë. Është në interesin e të gjitha partive politike që ta kenë të mundur progresin në rrugën evropiane si dhe në normalizimin e plotë të raporteve me Serbinë”, thuhet në komunikatën e BE-së.
