Kandidati për Kryeministër nga radhët e PDK-së para takimit me strukturat e kësaj partie në Mitrovicë ka vizituar familjen e Ish-kryeparlamentarit Kadri Veseli, përcjellë InLajmi.
Hoxhaj më tutjë tha se mungesa e tij është e lidhur me aktivitetin e tij si një patriot para dhe gjatë luftës gjithashtu shtoi se kur ka qenë në shtëpi është përkujdes për familjen e tij.
Ai tha se shpreson sa më shpejt në drejtësi dhe se Kadriu e Hashim Thaçi dhe të gjithë bashkëluftëtarët e tjerë t’u kthehen familjeve të tyre.
Postimi i plotë i tij:
“Para takimit me strukturat e PDK-së në Mitrovicë, erdha për një çaj në familjen e Kryetarit Veseli.
Mungesa e tij në shtëpi gjithmonë është lidhur me aktivitetin e tij patriotik, para, gjatë dhe pas luftës. E kur ka qenë në shtëpi, me të njëjtën dashuri e përkushtim si për atdheun, është përkujdesur edhe për familjen e tij.
Prandaj, sot, të gjithë së bashku e nga çdo anë, shpresojmë ta shohim drejtësinë sa më parë, që Kadriu, së bashku me Hashimin dhe bashkëluftëtarët e tjerë, t’iu kthehen familjeve të tyre, të na kthehen neve dhe mbarë Kosovës.”/InLajmi/
