Ministri në detyrë i Ekonomisë dhe Ambientit (MEA), Muharrem Nitaj ka njoftuar se është takuar sot me anëtarët e Bordit dhe menaxhmentit të Trepçës, përcjellë InLajmi.
Në njoftim u tha se u diskutua se gjatë këtij takimi është diskutuar për problemet me të cilat po përballet ndërmarrja Trepça në shlyerjen e borxheve që ka ndaj operatorëve ekonomik
Poshtu ministri u njoftua edhe me goditjen ekonomike që ka marrë Trepça nga kriza ekonomike e shkaktuar si pasojë e pandemisë, pasi ka pasur ulje të madhe të çmimit në shitjes e koncentratit mineral.
Njoftimi i plotë i Ministrisë së Ekonomisë dhe Ambientit:
Prishtinë, 19.01.2021- Ministri në detyrë i Ekonomisë dhe Ambientit (MEA), Muharrem Nitaj ka pritur sot në takim anëtarët e Bordit dhe menaxhmentit të Trepçës.
Gjatë takimit është diskutuar për problemet me të cilat po përballet ndërmarrja Trepça në shlyerjen e borxheve që ka ndaj operatorëve ekonomik dhe në veçanti borxhin që ka ndaj KEDS-it për energjinë e shpenzuar.
Ministri Nitaj ka kërkuar nga Bordi dhe menaxhmenti i Trepçës që të reduktohen sa më shumë që është e mundur shpenzimet. Po ashtu u kërkua që të shikohet mundësia e riprogramimit të borxheve.Ministri u njoftua edhe me goditjen ekonomike që ka marrë Trepça nga kriza ekonomike e shkaktuar si pasojë e pandemisë, pasi ka pasur ulje të madhe të çmimit në shitjes e koncentratit mineral.
Ministri Nitaj kërkoi që të shikohen të gjitha mundësitë që Ndërmarrja Trepça të fillojë të operojë me fitime./InLajmi/
