Kryetari i PSD-së, Dardan Molliqaj, ka kritikuar marrëveshjen mes VV-së dhe Vjosa Osmanit për shkrirje në një listë, përcjell InLajmi.
Molliqaj thotë se në atë pikë nuk përmendet askund lufta e UÇK-së, ndërkohë që krerët e saj po përballen me akuza nga Gjykata Speciale.
Postimi i plotë i tij:
“Zotimet kundër UÇK-së dhe kundër historisë tonë
Zotimet e nënshkruara sot në mes të Kurtit dhe Osmanit nuk janë asgjë më shumë se zotime për ndarje të pushtetit: njëri kryeministër, tjetra presidente.
As edhe një fjalë në këtë marrëveshje për luftën tonë çlirimtare apo për historinë e vendit tonë. Në kohën kur çlirimtarët tanë po përndjeken padrejtësisht nga Gjykata Speciale, Kurti-Osmani nuk e përmendin as edhe njëherë UÇK-në në marrëveshjen e tyre. Përkundrazi, shpërfaqin indiferencë të skajshme, thuajse kjo çështje nuk meriton as të përmendet fare.
Kurti, i cili për të ardhur në pushtet e përdorte emrin e Murat Jasharit për president të ardhshëm të vendit, duke e elaboruar këtë si nevojë të vendit e jo të veten personale, sot e nënshkroi të kundërtën. Ai e rikonfirmoi sot edhe njëherë se nuk ka besime apo vlera që don t’i shtyej përpara, por ka vetëm mjete të cilat i përdorë për të ardhur në pushtet.
Sot Kurti po thotë që çlirimtarët nuk na duhen më. Sot Kurtit nuk i duhet Murat Jashari për të ardhur në pushtet. Sot, atij i duhet Vjosa. Prandaj, hoqi dorë nga familja Jashari”./InLajmi/
