Pas muajsh bisedime, Britania ka arritur marrëveshje tregtare pas Brexit-it me Bashkimin Evropian, të enjten, shtatë ditë para daljes nga blloku evropian.
Me vetëm një javë para ndarjes finale nga BE-ja, qeveria britanike ka thënë se “marrëveshja është arritur”.
Marrëveshja siguron se të dyja palët mund të vazhdojnë tregtinë e mallrave pa tarifa.
Qeveria britanike ka thënë se nga kjo marrëveshje do të kenë pavarësi të plotë politike dhe ekonomike.
Ndërsa, presidentja e Komisionit Evropian, Ursula von der Leyen, tha se marrëveshja është e drejtë dhe e ekuilibruar, shkruan AP.
“Ka qenë një rrugë e gjatë dhe e vështirë. Por, kemi një marrëveshje të mirë. Është e drejtë, është një marrëveshje e ekuilibruar dhe është e drejtë e me përgjegjësi për t’u bërë nga të dyja palët”, tha ajo në një konferencë, transmeton Koha Ditore.
Tutje ka shtuar se negociatat kanë qenë të vështira, porse është marrëveshje që ja ka vlejtur.
