Ngrohtjora Termokos ka vëndosut që ti ndihmojë bizneseve të kryeqytetit. Ajo do ti falë borxhet e shërbimit të ngrohjes për muajt mars – prill 2020 për subjektet afariste që nuk janë lejuar të punojnë me vendimin qeveritar në kuadër të luftës ndaj pandemisë, përcjell InLajmi.
Për shkak të masave qeveritare për luftimin e pandemisë, një numër shumë i madh i bizneseve e veprimtarive ekonomike nuk e kanë pasur të lejuar të punojnë e për rrjedhojë nuk e kanë shfrytëzuar ngrohjen qendrore për muajt mars dhe prill.
Termokosi ka njoftuar se të drejtën e përfitimit nuk e kanë ato subjekte afariste të cilat, sipas vendimit qeveritar, e kanë pasur të lejuar operimin.
Ata kanë shtuar se bizneset që kanë kryer pagesat në periudhën mars-prill 2020 do të kompensohen me shumën e njejtë të këtyre faturave për muajt në vijim ose shuma e tillë do t’u zbritet nga borxhi total i klientit.
Falja e borxheve nga Termokos do të bëhet në mënyrë automatike nga administrata e ndërmarrjes, prandaj konsumatorët nuk do të kenë nevojë për aplikim./InLajmi/
