Një ngjarje tronditëse është shënuar në një market në Koln të Gjermanisë.
Raportohet se 53-vjeçari, I.E është sulmuar me thikë nga një person tjetër në vendin e punës. Media gjermane express, shkruan se i dyshuar për sulmin është një i ri rreth të 30-ave me origjinë shqiptare, por nuk e bën të ditur identitetin e tij.
Në një video të bërë virale nga mediat gjermane, shihet se si i riu sulmon papritur 53-vjeçarin, duke i shkaktuar një plagë 18 cm të thellë në shpinë. Për të ndaluar sulmuesin, është dashur ndërhyrja e punonjësve të tjerë të marketit, të cilët e goditën agresorin me shishe birre në kokë, shkruan Telegrafi.
Ndërkohë sipas mediave, shkak për sulmin mund të jetë bërë xhelozia për një prej punonjëseve të marketit
