Një person rreth moshës 35 vjeç, ka humbur jetën në Mitrovicë si pasojë e lëndimeve që ka marrë në vendin e tij të punës.
Rasti ka ndodhur dje pasdite rreth orës 16:00. Kështu ka bërë të ditur për Telegrafin, zëdhënësi i policisë për rajonin e Mitrovicës, Avni Zahiti.
“Ngjarja është raportuar të ketë ndodhur dje rreth orës 16:00 në Mitrovicë ku në vendin e punës aksidentalisht viktima ka pësuar lëndime të rënda trupore, si pasojë disa orë më pas nga QKUK është raportuar se viktima ka vdekur”, ka thënë Zahiti.
Ai ka theksuar se rasti është iniciuar si “Shkaktim i rrezikut të përgjithshëm”.
