Talenti i ri kosovar, Orges Bunjaku, gjatë ditës së sotme u zbulua se ka pranuar ftesën që të luajë për Përfaqësuesen e Kosovës.
“Orges Bunjaku i ka thënë ‘Po’ Kosovës. Por, deri në momentin kur te shohim me dokumentacion por edhe të paraqitet në fanellën e Kosovës, atëherë mund të themi që definitivisht është i yni” – tha ndihmës trajneri i Bernard Challandes, Muharrem Sahiti, për Gazeta Olle.
Por, kush është Orges Bunjaku? Ai është i lindur në Uznach të Zvicrës. Orges Bunjaku debutimin me skuadrën e parë të Baselit e bëri më 8 shkurt në ndeshjen ndaj Zurichit, ku kishte qenë titullar dhe kishte arritur të asistonte.
19 vjeçari është produkt i Baselit. Ai deri më tani ka mbrojtur ngjyrat e Kombëtares U19 të Zvicrës, ku ka regjistruar 6 paraqitje dhe ka shënuar 3 gola, teksa ka qenë pjesë edhe e të gjitha grupmoshave më të reja.
