Ambasadori i Gjermanisë në Kosovë, Christian Heldt ka reaguar lidhur me formimin e Qeverisë së re, duke kërkuar që të vendosë standarde në qeverisje, me transparencë dhe luftë kundër korrupsionit dhe nepotizmit, përcjell InLajmi.
Këto standarde, sipas Heldtit, janë vendosur nga qeveria paraprake, pjesë e së cilës ishte edhe LDK-ja.
“Kosova ka qeveri të re, të votuar nga shumica e nevojshme prej 61 deputetëve. Qeveria e kaluar, me pjesëmarrje të Lidhjes Demokratike të Kosovës, ka vendosur standarde në qeverisje, transparencë, luftim të korrupsionit dhe nepotizmit. Këto janë standardet të cilat presim të fillohen”, ka deklaruar Heldt përmes një postimi në rrjetin social, Twitter.
Heldti, më vonë ka shtuar se Kosova përballet me sfida të jashtëzakonshme dhe pasojat e pandemisë së koronavirusit.
“Ne do të jemi aty bashkëbisedues për Avdullah Hotin dhe qeverinë e tij për punë serioze në agjendë serioze: dialogu i udhëhequr nga BE-ja, jo korrupsion, sundim i ligjit, pa nepotizëm, qeverisje e standardeve të përcaktuara. Për Kosovën dhe njerëzit e saj”, thotë tutje Heldti./InLajmi/
