Trajneri i Feronikelit, Afrim Tovërlani, ka konfirmuar se futbollistët nuk kanë marrë pagat e tyre për tre muajt e fundit.
Që nga 13 marsi janë pezulluar të gjitha aktivitetet sportive në Kosovës si shkak i përhapjes së koronavirusit, teksa kjo pandemi ka shkaktuar edhe krizë te disa klube.
Mirëpo, sipas Afrim Tovërlanit futbollistët nuk janë paguar shkaku i mbylljes së kufijve dhe Presidenti i klubit, Naser Ramaj, ka mbetur jashtë Kosovës.
“Ka tre muaj që lojtarët nuk janë paguar. Në momentin që janë mbyllur kufijtë, kryetari i klubit Naser Ramaj është gjendur në Mal të Zi dhe ka premtuar se posa të hapen kufijtë, do të vijë në Kosovë dhe nuk do t’i mbetet borxh askujt” – ka thënë trajneri i Feronikelit për ‘Zërin’.
Ndryshe, edhe skuadra e Feronikelit ka filluar me stërvitje dhe synimi i vetëm mbetet trofeu i Kupës dhe dalja në Europë.
