Ministria e Punëve të Brendshme dhe Administratës Publike, reagon ndaj lajmeve, ku raportohet se është sulmuar zëvendësministri i parë i Ministrisë së Punëve të Brendshme dhe Administratës Publike, z. Xhelal Sveçla.
Përmes kësaj komunikate MPBAP thotë së Sveçla nuk është sulmuar dhe akuzon mediat për raportim të rrejshëm, shkruan InLajmi.
“Me këtë rast MPBAP, sqaron se gjatë rrahjes së një fëmije, shitës ambulant nga një i rritur në Prishtinë, ka qenë prezent edhe zëvendësministri Sveçla, i cili ka ndërhyrë që të ndalë rrahjen dhe më pas ka njoftuar Policinë e Kosovës, për të raportuar për këtë incident. MPBAP e njofton opinion se zëvendësministri Sveçla nuk është sulmuar, andaj është mirë që paraprakisht para se të raportohet, të merret konfirmimi nga institucioni ose personalisht nga zëvendësministri”, thuhet në komunikatë.
Në fund MPBAP përfundon komunikatën duke thënë se reagimi i zv.ministrit Sveçla është një rast shembullor për të parandaluar rrahjen. Por, në videon e publikuar shihet që sulmuesi ka goditur në kokë zv.ministrin Sveçla./InLajmi/
