Kjo është Doresa Morina. Ajo është e pasionuar pas lojës më të popullarizuar në botë – futbollit. Doresa jeton në Zvicër bashkë me prindrit e saj. Aktualisht është 13 vjeçare, ndërsa me futboll ka nisur të merret që nga mosha 11 vjeçare. Është anëtare e shkollës së futbollit Zurich të Zvicrës.
Doresa këto ditë gjendet në Kosovë, ku ka ardhur për pushime, ndërsa rrëfen për veten e saj, karrierën dhe synimet e saj. Edhepse jeton në Zvicër, ëndrra e saj është të luajë për Kosovën, kurse parapëlen lojnë e Fatmire Bajramajt dhe të Kosovare Asllanajt ndër femra, kurse idol i saj mbetet Kristiano Ronaldo. Doresa është e bija e Flamurit, ish-futbollistit të Dukagjinit të Klinës. Ai investon tek bija e saj dhe shprehet i bindur se vajza e tij do të vazhdojë rrugëtimin e familjes së tij prej futbollistëve. /InLajmi/
