Vjosa Osmani ishte kandidate e LDK-së për kryeministre të vendit në zgjedhjet e parakohshme që u mbajtën më 6 tetor 2019. Por, pasi LDK nuk arriti t’i fitonte zgjedhjet, tani pas disa muajsh negociata dhe arritjes së koalicionit LVV-LDK, Osmani do të merr postin e kryetares së Kuvendit të Kosovës.
Vjosa Osmani është propozuar dje nga LDK për postin e kryeparlamentares, kur edhe janë caktuar emrat e ministrave, ndonëse siç është raportuar ajo kishte kërkuar të udhëheq me Ministrinë e Punëve të Brendshme (MPB) dhe të jetë zëvendëskryeministre.
Mirëpo, pasi Agim Veliu i propozuari për MPB nuk kishte hequr dorë, Vjosa Osmani është pajtuar me postin e caktuar dhe ajo sot pas votimit nga deputetët pritet të merr postin e kryetares së Kuvendit.
Por sa është pasuria e kandidates së LDK-së?
Osmani gjatë kohës sa ishte deputete në legjislaturën e kaluar kishte deklaruar pasurinë në Agjencinë Kundër Korrupsionit.
Në pronësi të saj, ajo ka deklaruar një banesë në vlerë prej 40 mijë eurosh, e cila sipas saj është ende e papërfunduar.
Një banesë ajo e ka pasuri në pronësi të bashkëshortit në vlerë prej 67 mijë eurosh.
Osmani ka edhe dy shtëpi, njëra në vlerë prej 190 mijë eurosh dhe tjetra në vlerë prej 125 mijë eurosh, në pronësi të bashkëshortit të saj.
Osmani ka deklaruar se në llogarinë e saj ka hiç më pak se 42 mijë euro.
Ndërkaq në një llogari tjetër në një bankë tjetër ajo ka 6 mijë euro.
Vjosa Osmani, përveç që deri para pak kohësh kishte marrë pagë nga Kuvendi i Kosovës, asaj në llogari i kishte dalë për çdo muaj edhe paga nga Universiteti i Prishtinës.
