Që nga dita e parë e dhjetorit kanë qenë trenat e bllokuar dhe linja metrosh.
Parisi është një nga qytetet që qytetarët grevojnë kundër reformës së pensioneve, për këtë arsye ka humbur edhe shumë turistë.
Organizata UMIH të sektorit të turizmit ka thënë se përqindja e turistëve në hotelet pariziane është 30% më pak në krahasim me dhjetorin e një viti më parë, kun ë qendër të vëmendjes kanë qenë protestat e jelekëve të verdhë.
Grevat kanë shkaktuar një rënie deri në zero të prenotimeve. Fundjava e parë e dhjetori shënoi 50 për qind turistë më pak në hotele. Në këtë mënyrë bilanci që mbyllet në 31 dhjetor do të preket shumë nga këto protesta duke shënuar 5 për qind më pak në xhiron vjetore.
Situata është shumë negative dhe për tregtarët e kryeqytetit francez të cilët kanë shënuar një rënie prej 50 për qind të fuqisë blerëse. Muaji dhjetor në përgjithësi është muaji më fitimprurës për tregtarët, Abcnews.al.
Edhe Opera e Parisit vuan pasojat pasi ka humbur 8 milion euro në bileta në më pak se 2 javë. Ministri francez i ekonomisë, Bruno Lemer premtoi masa në mbështetje të tregtisë dhe hoteleve e restoranteve. Përfshirë këtu dhe autorizimn për të qëndruar hapur të dielave.
