Kampioni i botës në boks, Anthony Joshua, në një intervistë për ‘Sky Sports’, ka deklaruar sot se stërvitja që do të bëjë me vendasin e tij Tyson Fury do ta ndihmojë në të ardhmen kur këta dy boksierë do ballafaqohen mes tyre.
30-vjeçari shprehet se ka një plan të menduar mirë, që do t’i shërbejë në të ardhmen.
“Gjithçka bëhet për të fituar më shumë përvojë. Nga karriera ime kam mësuar se nëse bëj një gabim punoj që të mos e përsëris me atë gabim në të ardhmen. Me Furyn do të stërvitemi së bashku dhe mund të përfitoj në të ardhmen nga kjo stërvitje, kur të ballafaqohemi”, ka thënë Joshua.
“Unë kam një plan në mendjen time kur të shkoj të stërvitem me Furyn, që në të ardhmen ta mund në duelin e vërtetë”, përfundoi Joshua, shkruan Periskopi.
Joshua e mposhti boksierin meksikan Ruiz në rimeçin e zhvilluar në Arabi.
