Kryeministri në largim, Ramush Haradinaj është takuar sot me përfaqësuesit e Sindikatës së Zjarrfikësve të Kosovës.
Me këtë rast Haradinaj tha se si Qeveri kanë punuar shumë në rregullimin e statusit të zjarrfikësve siç është ndarja e 600 mijë eurove për pagesës shtesë dhe rregullimin e shumës së rrezikshmërisë, shkruan InLajmi.
Sipas Haradinajt zjarrfikësit meritojnë respekt për punën e tyre në fushën e sigurisë dhe kjo duhet të përmirësohet për t’i rikthyer në një forcë nacionale.
Postimi i plotë i tij:
“Prita sot në takim përfaqësuesit e Sindikatës së Zjarrëfikësve të Kosovës, të kryesuar nga Kryetari z. Muharrem Beka, për të pranuar nga ta shqetësimet dhe kërkesat e tyre.
Si Qeveri kemi punuar shumë në rregullimin e statusit të zjarrëfikësve, të lënë peng prej vitesh dhe kemi marrë vendime, në përmbushjen e kërkesave që kanë pasur, siç është ndarja e mjeteve prej 600 mijë eurosh për pagesën e orëve shtesë, puna në projekt-ligjin e ri të Financave të Pushtetit Lokal dhe rregullimi i shumës së rrezikshmërisë.
Puna më e madhe për zjarrëfikësit është bërë në Ligjin e ri për pagat, ku ata janë pozicionuar denjësisht me paga meritore, derisa tani do të punojmë për adresimin e të gjitha kërkesave të tjera.
Zjarrëfikësit meritojnë respekt për punën e tyre në fushën e sigurisë dhe këtë respekt duhet ta adresojmë edhe në përmirësimin e gjithë infrastrukturës ligjore, për ta rikthyer ashtu siç e meritojnë, në një forcë nacionale”shkroi Haradinaj./InLajmi
Prita sot në takim përfaqësuesit e Sindikatës së Zjarrëfikësve të Kosovës, të kryesuar nga Kryetari z. Muharrem Beka,…
Posted by Ramush Haradinaj on Tuesday, December 24, 2019