Nënkryetari i PDK-së, Uran ismaili ka thënë se vendimi i Gjykatës Kushtetuese për pezullimin e Ligjit të Pagave deri më 30 mars të 2020 është zhgënjyes aq edhe frustues.
Ai përmes një postimi në Facebook ka thënë se profesionistët shëndetësorë, krahas punëtorëve tjerë të sektorit publik, nga fundi i muajit është dashur t’i marrin pagat e tyrte në rritje, pasi sipas tij ky vendim rrezikon përpjekjet e tyre për ta ndalur ikjen e profesionistëve shëndetësor nga vendi.
“ T’u thuhet tani, dy javë para se ata të gëzojnë paga të dinjitetshme, të pritura me dekada, se ata do të vazhdojnë të paguhen siç janë paguar deri më sot, është shumë dëshpëruese. Për dy vite pandërprerë kemi punuar që të përmirësojmë kushtet e punës për profesionistët shëndetësorë dhe t’u sigurojmë atyre paga të dinjitetshme që të qëndrojnë në Kosovë. Ky vendim rrezikon tej mase përpjekjet tona për ndaljen e ikjes së profesionistëve shëndetësorë nga vendi ynë. Jam jashtëzakonisht i zhgënjyer me pezullimin, zvarritjen dhe rezistencën që po i bëhet këtij ligji. Profesionistët shëndetësorë nuk e meritojnë këtë trajtim”, ka shkruar Ismaili./InLajmi/