Policia e Kosovës ka informuar sot për një aksident trafiku që ka ndodhur dje në Autostradë Duhël –Suharekë, ku si pasojë janë lënduar tri femra e që më pas kanë marrë trajtimin mjekësorë nga QKUK.
Përmes një komunikate për media, Policia e Kosovës njoftoi se aksidenti ka ndodhur në mes të dy veturave civile me targa lokale dhe një kamioni me targa të Serbisë, tri të lënduarat përpos dëmeve material kanë pasur edhe lëndime trupore që më pas janë dërguar në tretman mjekësor në QKUK.
“Lidhur me rastin janë arrestuar drejtuesi i kamionit, i dyshuari mashkull serb i Serbisë dhe drejtuesi i njërës veturë civile, i dyshuari mashkull K-Shqiptar”, thuhet në raportin ditor të policisë së Kosovës.
Me vendim të prokurorit i dyshuari mashkull serb i Serbisë pas intervistës dërgohet në mbajtje ndërsa i dyshuari mashkull K-Shqiptar lirohet në procedurë të rregullt. /InLajmi