Kryeministri në dorëheqje i Kosovës, Ramush Haradinaj, në 30 vjetorin e rënies së murit të Berlinit, është shprehur se rrëzimi i Murit të Berlinit ka qenë fillimi i ndryshimeve të vlerave.
Haradinaj, përmes një postimi në rrjetin social Facebook, ka thënë se “Gjermania e bashkuar u bë shembull i lirisë e demokracisë dhe misioni i saj për paqe, siguri e stabilitet në botë, ishte dhe vazhdon të jetë thelbësor”.
Ai më tutje tha se sot është ditë historike për Gjermaninë.
Postimi i tij i plotë:
“Sot, 30 vjet më parë, në një moment historik, populli gjerman rrëzoi Murin e Berlinit që ndau Gjermaninë në dysh, dhe kontribuoi në fillimin e një ndryshimi të vlerave. Gjermania e bashkuar u bë shembull i lirisë e demokracisë dhe misioni i saj për paqe, siguri e stabilitet në botë, ishte dhe vazhdon të jetë thelbësor”, ka shkruar ai. /InLajmi
