Nga vendimi që është marrë për mospërfshirjen e studentëve të Fakultetit të Arteve dhe Fakultetit të Edukimit në ndarjen e bursave, ka bërë që ata në shenjë pakënaqësie përveçse t’a bojkotojnë mësimin, kanë vendosur edhe të protestojnë para Ministrisë së Arsimit, gjë që ka ndodhë sot.
Madje. gjatë protestës studentët e këtij fakulteti përmes këngëve dhe një performance nga studentët e aktrimit kanë kërkuar që edhe për ata të ndahen bursa.
Këshilli i Studentëve të Fakultetit të Arteve, që udhëhiqet nga Organizata “Reforma” kanë kërkuar nga ministria që vendimi të shfuqizohet, të cilët të njëjtët kanë kërkuar të takohen me ministrin në detyrë të Arsimit, Shyqyri Bytyqi e që nuk janë pranuar në takim, që sipas tyre janë goditur edhe me disa gjëra nga dritaret e kësaj ministrie.
Përfaqësuesi i studentëve të Fakultetit të Arteve, Edison Bibaj, ka thënë se nuk do të tërhiqen nga kërkesat, derisa ka paralajmëruar se do të vazhdojnë me protesta deri në realizim të kërkesës së tyre.
Bibaj ka thënë se ata janë refuzuar nga ministri i Arsimit për të mbajtur një takim.
Studenti Labeat Bytyçi, derisa mbante në duar një copë të bardhë, tha se me të janë sulmuar nga dritarja e Ministrisë së Arsimit, shkruan rtk.
Në mbështetje të studentëve të Fakultetit të Arteve kishin dalë edhe profesorët e këtij fakulteti. Profesori Jeton Ahmetaj tha se kanë dalë për të mbështetur një kauzë të drejtë të studentëve.
Minstria e Arsimit, Shkencës dhe Teknologjisë ka marrë vendim që fakultetet që do të marrin bursa janë Fakulteti i Bujqësisë – Veterinarisë, FShMN, Mjekësi e Përgjithshme, Farmaci dhe Stomatologji, Fakultetin Teknik dhe Shkenca të Aplikuara.
/InLajmi/
