Ganimetja nga lojtarja e spikatur deri tek pozita e kryetares

Ish volejbollistja e spikatur Ganimete Gërbovci, që pas zejes së trajneres vendosi të merr postin e presidentes së klubit Prishtina F. e cila skuadër në dy ndeshjet e para ka dy fitore në elitën e volejbollit të Kosovës. Ganja ka një përvojë të madhe, e cila hapat e parë me sportin skofiar i nisi para lufte në klubin e vendlindjes së saj, Drita nga Gjilani dhe pastaj vazhdoi aventurën e saj në ish Mebtexin e Prishtinës, një kohë edhe në Dannuziano të Italisë, në KV Kastriotin e Ferizaj dhe tani është në rolin e presidentes së klubit.

Njihet nga femrat me disiplinë pothuajse ushtarake në klubin e saj, sepse do rend e harmoni dhe rezultate por jo me çdo kusht. Ajo është e martuar me Blerim Salihun dhe ka dy fëmijë (dy djem), që një ditë synon ata të jenë sportistë të dalluar. Synimet e saja janë që me klubin saj të janë në katërshen e parë, që shpien në play-off në luftë për titullin e kampionit.

Ganimetja ka qenë edhe reprezntuese e Kosovës dhe prej lojtareve më të mira në sportin e volejbollit, në fakt që ka përfituar edhe mjete financiare të kënaqshme sa ishte lojtare aktive dhe që e lakmonin edhe shtetet e rajonit.

Intervistë nga InLajmi me ish volejbollistja dhe kryetarja e tanishme e volejbollit, Ganimete Gerbovci:

Kur keni filluar dhe kush ju shtyri të merreni me këtë sport?

“Kam filluar të merrem me volejboll në vitin 1993, ishte arsimtari i edukatës fizike i cili identifikoi talentin tim që e kisha për sportin e volejbollit, ai kishte biseduar me udhëheqësit e klubit ‘Drita’ që të bëhem edhe unë pjesë e klubit dhe arrita të bëhem pjesë e Dritës se Gjilanit, ku edhe kam luajtur për 8 vite me radhë”.

Sa është e vështirë të jeni i suksesshëm në sport?

“Në periudhën e para luftës ka qenë e vështirë por tani nuk është shumë e vështirë vetëm kërkohet vullnet, motiv dhe shume punë, në fillet e para të karrierës sime për 2 vite nuk kam pasur asnjë dite pushim që do të thotë kërkohet shumë punë për të qenë pjesë e formacionit të parë”.

Përshkruani sportin tuaj?

“Volejbolli është sport kompleks, atraktiv shumë i përshtatshëm për gjininë femërore dhe është art në vete”.

A keni pasur mbështetje të mjaftueshme nga trajneri juaj?

“Po, pa pasur mbështetjen e trajnerit nuk mundesh edhe aq të përparosh sepse nuk të jepet mundësia e mjaftueshme ku ti mundesh të tregosh potencialin tënd 100% apo të fitosh përvojë”.

Sa keni përkrahje nga bashkëshorti juaj?

“Familja është ajo e cila të jep shtytjen më të madhe të karrierës edhe për mua ka qenë gjithmonë bashkëshorti ai cili më ka shtyrë që unë të mos shkëputem asnjëherë nga sporti të cilit ja kushtova pjesën më të mirë të jetës sime”.

Si është të jesh kryetare e një grupi që synon titullin e kamponit?

“Është privilegj për mua që më është besuar një pozitë e tillë dhe në të njëjtën kohë është përgjegjësi shumë e madhe sepse duhesh të punosh shumë, duhet të ketë shumë disiplinën punë dhe të gjithë duhet të angazhohen për të mbajtur tempon e punës mandej rezultatet janë të pashmangshme.

Ku e kaluat karrierën më të mirë si volejbolliste në Mabetex, Itali apo në Dritë të Gjilanit?

“Të gjitha klubet që po i specifikon i kanë ndikuar në mënyrë pozitive në karrierën time dhe më kanë ndihmuar jashtëzakonisht të bëhem profesioniste në sportin e volejbollit”.

A jetohet prej sportit të volejbolliste a po duhet edhe financa të tjera?

“Për momentin jo, por mbasi është aprovuar ligji për sponzorizime atëherë dhe në këtë aspekt të financave do të ndryshojnë gjërat shumë shpejt pozitivisht”.

Për ju është pasion a profesion sporti?

“Unë jam magjistre e shkencave sportive dhe është profesion por për shkaqe subjektive unë punoj në një fushë krejt tjetër me sportin”.

Ku e mendoni të ardhmen pas kryetares, a synoni të jeni edhe selektore e Kosovës?

“Nuk kama ambicie për pozita të tilla jo që nuk më intereson volejbolli por nuk jam karakter që ju imponohem njerëzve, nëse ju duhem e dinë se ku munden të më gjejnë”.