Klubi basketbollistik Prishtina ka njoftuar se ka ndërprerë bashkëpunimin me trajnerin kroat, Jaksa Vuliq.
Klubi kryeqytetas ishte në një ecuri prej tre humbjeve radhazi në Superligë, me humbjen më të fundit të pasuar dje ndaj KB Golden Eagle Yllit, shkruan Sinjali Sporti.
“Faleminderit Jaksa! Ju njoftojmë se klubi ka ndarë rrugët me trajnerin Jaksa Vuliq. Trajnerin e falenderojmë për kontributin e dhënë deri më tani”, ka shkruar klubi i KB Prishtinës në Facebook duke njoftuar largimin.
Prishtinasit ndodhen aktualisht në pozitën e 4-t, me 37 pikë.
