Sekretari i Shtetit amerikan, Mike Pompeo, do të vizitojë Malin e Zi javën e ardhshme.
Kështu shkruan “Vijesti”, sipas të cilit medium, kreu i Departamentit të Shtetit dhe një nga bashkëpunëtorët më të afërt të presidentit amerikan Donald Trump duhet të arrijë në Maqedoninë Veriore në fillim të tetorit dhe më pas t’ia bëjë një vizitë zyrtare Malit të Zi.
Po sipas të njëjtit medium, ambasada e SHBA-së, në Podgoricë, nuk e konfirmoi ose mohoi ardhjen e një zyrtari të lartë amerikan ose Departamentit të Shtetit.
“Ne nuk mund të konfirmojmë informacionin tuaj për vizitën e sekretarit të Shtetit të SHBA-së në Mal të Zi”, citohet të ketë thënë Ambasada amerikane.
Sekretari i Shtetit i SHBA-së, Michael Pompeo, kohët e fundit emëroi Matthew Palmerin si të dërguarin special për Ballkanin Perëndimor.