Kryetari i PSD-së, Shpend Ahmeti, ka nisur fjalimin e tij në hapja zyrtare të fushatës zgjedhore të koalicionit AAK-PSD në Suharekë duke treguar arsyen e udhëtimit të Ramush Haradinajt për në SHBA dhe mungesën e tij në këtë tubim.
“Të dielën kandidati jonë për kryeministër Ramush Haradinaj më tha se po i duhet të shkojë për Amerikë. Të martën me u nis e të enjten në mëngjes të kthehet. Unë i thashë që s’ka kuptim t’ia nisim fushatën pa ty në Therandë. Më tha s’kam qare pa shkuar sepse kur s’po jemi aty po ndodhin sende të këqija po ndodhin për Kosovën”.
“Tha ka shkuar Presidenti i Kosovës dhe ish Serbisë mos janë duke e gatuar ndonjë hartë për me na nda Kosovën sikur e bënë vitin e fundit”.
“Ky është slogani jonë i koalicionit, jo vetëm 100 për qind taksë, por 100 për qind Kosovë. Ajo nuk është e plotë nëse japim komuna apo nëse e ndajmë, Kosova mund të përparojë nëse e ka territorin 100 për qind”, njofton/klankosova/.
“Dallimi mes neve dhe atyre është shumë i thjesht. Kur ata të tjerët donin të bënin koalicion, u prishën për poste. Kur ne kemi fill bisedimet me Ramushin kemi folur dhe kemi thënë se duhet të qëndrojmë bashkë për Kosovën. S’ka pas diskutime të ndarjeve të posteve, jo unë ministër apo ai”.
“Ishte e qartë sa dorëheqja e Ramushit se kur vjen puna te shteti i Kosovës nuk interes personal, s’ ka karrige, s’ka pozitë e as poste, por guxim përkushtim dhe dije për ta mbrojtur Kosovën”.
