Albin Kurti, kandidati për kryeministër nga Lëvizja Vetëvendosje, ka thënë se nëse do të jetë në krye të Qeverisë pas zgjedhjeve të 6 tetorit do të ketë bashkëpunim dhe komunikim normal me Presidentin e Kosovës, Hashim Thaçi.
Ai këtë e tha në debatin e radhës “Talk the Talk”, i cili është i organizuar nga kolegji Riinvest, njofton Klan Kosova.
“Nuk është në rregull të kemi edhe më tutje kryeministër të dobët, unë nuk bëjë pazare paraprake. Mua votat e qytetarëve do të më bëjnë kryeministër të vendit”.
“Por me mua presidenti nuk do të mundet të sillet si në legjislaturën e gjashtë, me presidentin do të ketë komunikim dhe bashkëpunim, por jo sikur është zhvilluar me mandatin e kaluar, ku ai kundërshton politikën e jashtme të Qeverisë, dhe hyn nëpër ligje”.
Kurti e ka përsëritur edhe njëherë se ata kanë një planifikim për largimin korrupsionit që thotë se është në Kosovë.
“Kur korrupsioni ngjitet që në majet e shtetit nuk është veç korrupsion është kapje e shtetit, andaj na duhet një shtet i së drejtës sepse nëse mbesim kështu jemi vetëm një shtet i dobët, e për këtë duhet ta bëjmë vettingun që duhet të kaloj ne kuvend, pra që përfshin prokurorinë, inteligjencën dhe policët në pozita udhëheqëse”.
“Ne duam ta ndryshojmë qasjen e prokurorëve në Kosovë dhe ti hulumtojmë rastet e krimit dhe të korrupsion dhe ti përcjellin ato mediat. Jam i bindur që do të mund të përpilojnë pjesën më të madhe të aktakuzave dhe nga zyrat e tyre. Kemi nevojë që të hetohen dhe të gjykohen krimet e luftës dhe të paqes. Kemi hapur rrugën që të dënohen kriminelët e luftës. Qasja aktive e prokurorisë është e domosdoshme”.
Kurti më tej theksoi se atyre ju nevojitet një fitore dhe se nuk do të kalojnë pa sfida në këto zgjedhje.
“Është e vërtetë që neve na nevojitet një fitore dhe nuk do të kalojmë pa sfida. Partitë që e kanë kap shtetin si PDK-ja edhe në qoftë se i humbin zgjedhjet, ata nuk zhduken. Është e logjikshme dhe parimore që ata që janë në opozitë të kalojnë në pozitë, këtë do e queja ndryshim”.
“Prandaj ne kemi pasur një koordinim shumë të mirë me LDK-në gjatë një viti e gjysmë sidomos në Kuvendin e Kosovës. Duke kundërshtuar Qeverinë e PAN-it , fatkeqësisht ky bashkërendim i yni i hapave, ku kryetari i LDK-së, Isa Mustafa dhe unë nuk e kemi befasuar asnjëherë njëri-tjetrin më shumë se një vit”.
“Nuk u kurorëzua me një projekt të përbashkët dhe tash jemi ku jemi. Mendoj që ky ishte gabimi i tretë i tyre prej atëherë kur dolën nga VLAN-i dhe iu bashkuan PDK-së. Dhe më pas lejuan që duke kërkuar kryeministrin nga pozicioni i tretë i vitit 2017 që AKR-ja në një far mënyre të kaloj tek PAN-i, tash edhe duke mos e pranuar ofertën tonë gjeneroze”.
Ai më tej ka thënë se në koalicionin e mundshëm pas zgjedhor mes VV-së dhe LDK-së duhet të shikohet lista e deputetëve të LDK-së se kush do të marrë mandatin e deputetit
