Shkruan: Dr.Sc. Resul Sinani
Keto zgjedhje do te jene me te rendesishmet dhe njekohesisht me interesantet deri me tani. Do te jene me te rendesishmet, sepse Legjislatura qe do te dale prej tyre dhe pastaj institucionet qe do te ndertohen prej saj, do ta kene pergjegjesine per te marre vendimin me te cilin do te permbyllet peocesi i shtet-ndertimit te Kosoves ne ate qe tashme simbolikisht e kemi perqafuar si 100% Shtet. Kurse, do te jene me interesantet, sepse si asnje here me pare gjasat per te fituar i kane tri Parti Politike dhe koalicioni AAK-PSD.
Kosova, per te lindur si shtet, ka kaluar neper nje periudhe shume te gjate, te mundimshme, me shume sakrifica, me shume perpjekje, ka dhene shume bija e bij te saj dhe ma derdhur shume gjak, duke kulmuar me Luften e UÇK-se. Pa shkuar me mbrapa ne histori, ne qofte se perfundimin e luftes dhe fitoren e lirise nese qershorin 1999 e marrim si momentin e lindjes se Shtetit te Kosoves, te gjithe jemi te vetedijshem se ne ato momente shteti nuk ekzistonte, por vetem synohej, sepse pa institucione, vetem banoret dhe territori nuk mjaftonin per te thene se jemi shtet. Sigurisht ne ate kohe na mjaftonte vetem fakti se ishim te lire, na mjaftonte qe kishte marre fund lufta dhe te gjithe ishim te lumtur se kishim shpetuar gjalle dhe kenaqeshim me pak.
Periudha e UNMIK-ut, qe kishte qellimin kryesor administrimin e perkohshem te vendit dhe krijimin e institucioneve, vetem sa vuri themelin e tyre, derisa atyre ne menyre graduale ju dhane kompetencat ekzekutive. Edhe ne kete periudhe, te gjithe ngarendnim per te ndertuar jeten tone ne rrethanat e reja, e nuk i kushtonim shume vemendje institucioneve dhe konsolidimit te tyre, kurse per funksionimin e tyre, pritshmerite dhe kerkesat tona ishin minimale, na mjaftonte qe ishin aty dhe ishin tonat.
Pjekuria graduale e institucioneve tona, e cila shkonte paralel edhe me pjekurine politike te aktoreve kryesore te politikes, sigurisht se kulmoi kur ajo arriti qe te shpallte Pavaresine e Kosoves, qe eshte momenti te cilin mund ta marrim si pikenisjen e NDERTIMIT te Shtetit te Kosoves. Shpallaja e Pavaresise, e menduam se do t’i jepte fund problemeve qe na shkakton Serbia, mirepo vitet qe pasuan na e deshmuan te kunderten! Sidoqofte, per sa i takon shtet-ndertimit Kosova beri hapa te tjere, duke filluar nga miratimi i Kushtetutes dhe krijimi e plotesimi me shume institucioneve te rendesishme per funksionimin e shtetit. Por, pavaresisht rendesise se tyre, sot askush nuk jemi te kenaqur me ate cfare bejne dhe japin per qytetarin keto institucione, sepse shumica e tyre jane te dobeta dhe te keqija, te mbushura me shume zyrtare te paafte dhe te korruptuar te cilet nuk jane rekrutuar fale aftesive dhe kapaciteteve te tyre profesionale por fale ngjyrave partiake.
Procesi i shtet-ndertimit ne vitet qe pasuan, sidomos pas vitit 2011 kur filloi dialogu ne Bruksel, pothuajse ne shumicen e kohes nuk e kishte fokusin kryesor te bartesve te institucioneve, ne vecanti te Qeverise. Zhvillimj ekonomik, punesimi, shendetesia, arsimi, shpesh eklipsoheshin nga temat qe vinin nga Brukseli e te cilat ne vend se te jepnin zgjidhje dhe te ndihmonin ndertimin e shtetit ato pamundesonin funksionimin normal te organeve kryesore te tij. Mjafton te kujtojme dy marreveshjet, ate per Demarkacionin dhe ate per Asociacionin per Komunat me Shumice Serbe dhe cfare prodhuan ato per te kuptuar se sa deme dhe ngecje ka pasur ne ndertimin e shtetit si pasoje e dialogut te pafund dhe pa rezultate ose me rezultate simbolike apo rezultate te keqija!
Ne vitet e fundit, kerkesat e shtuara dhe shume te arsyeshme per te pasur institucione te cilat ju sherbejne qytetareve, por te cilat ishin te paafta per te permbushur pritshmerite e tyre, u shoqeruan me nje pakenaqesi legjitime ndaj tyre. Zgjedhjet e parakohshme, te cilat mbaheshin pa perfunduar mandatin deri ne fund asnje nga Qeverite, nuk arriten asnje here qe ta permbyllin procesin e ndertimit te shtetit. U desh te vinte ne shprehje politika e z.Ramush Haradinaj qe te kuptonim te gjithe se pa permbylljen e kapitullit me Serbine, pa permbylljen e ndertimit te Shtetit 100%, nuk mund te fokusohemi ne faza te tjera te rendesishme per vendin, sic eshte konsolidimi i shtetit, zhvillimi dhe forcimi i tij, ne menyre qe t’u dale ne balle kerkesave te qytetareve per ndertimin e nje Kosove ne te cilen jetohet dhe tek e cila qytetaret e saj e planifikojne dhe e ndertojne jeten e tyre, e jo si deri me tani qe deshirojne te ikin per te ndertuar jeten e tyre ne vendet perendimore.
Prandaj keto zgjedhje jane Referendum per Shtetin, prandaj keto zgjedhje jane Referendum per ta kthyer ne binaret e duhur SHTETIN, sepse vetem duke e mbyllur kapitullin me Serbine, duke arritur marreveshjen finale me njohjen reciproke, sipas qendrimeve te z.Haradinaj, me teresine territoriale te Kosoves, Qeveria do te mund te fokusohej ne temat e brendshme dhe shume te rendesishme per qytetarin, sic eshte shteti ligjor, zhvillimi ekonomik, krijimi i vendeve te punes, zhvillimi i politikave ne shendetesi, arsim, e shume sektore tjere, si dhe luftimi i korrupsionit, nepotizmit e shume fenomeneve te tjera te cilat e demtojne qeverisjen e mire ne sherbim te qytetareve!
Kush mendon se mund te fokusohet ne temat e brendshme pa e permbyllur nje here e mire kapitullin me Serbine dhe pa e bere Kosoven 100% shtet, ose nuk ka jetuar keto 20 vjet ne Kosove, ose nuk ka qellim zhvillimin e vendit! Z.Haradinaj shume shpejt e ka kuptuar kete, sepse kur ai thonte ‘do te fokusohem ne punet e brendshme’ te gjithe i thonin te merrej me dialogun… por kur ne dialog ua tregoi vendin te gjitheve, se kufinjt e Kosoves jane te paprekshem, te gjithe u bene gati qe ta hane per se gjalli dhe u dakorduan qe ta rrezonin permes Mocionit te Mosbesimit, ai i parapriu kesaj duke i derguar te gjithe ne shtepi, ndersa vendimin per drejtimin qe duhet te marre vendi ua kaloi ne doren e tyre qytetareve te vendit.
Tash e ka fjalen sovrani, cfare SHTETI do?
Si deri me sot…
Apo 100% shtet!
Une jam percaktuar per 100% Shtet… e per te tjerat flasim gjate diteve ne vijim!
