Një zjarr i madh ka kapluar një pjesë të madhe të Shëngjinit afër vijës bregdetare. Që nga ora 09:00 e mëngjesit, zjarri që është përhapur, ka kapur një sipërfaqe mjaft të madhe.
Gazeta InLajmi, mëson që në vendin e ngjarjes nuk ka dalur njësia e zjarrfiksave edhe as policia për ta hetuar rastin.
Zjarri i cili ka kapluar një pjesë të madhe të vendit, po del të jetë mjaft shqetësuese për pushuesit afër plazhit. Ndërsa një pushues për Gazetën InLajmi, është shprehur se zjarri ka shkaktuar tym shumë të madh dhe nxehtësi të lartë.
“Zjarri ka filluar që nga ora 9 e mëngjesit dhe ende zjarrfiksat nuk kanë dal në vendin e ngjarjes. Për neve ky zjarr është shumë shqetësues sepse po ka shumë tym në plazh dhe është një nxehtësi e papërshkrueshme. Nëse ky zjarr nuk shuhet sonte ai deri në mëngjes do të rritet edhe më shumë”, është shprehur një pushues.
Ndryshe, Gazeta InLajmi do të ju mbaj të informuar edhe më tutje lidhur me zjarrin i cili është përhapur në zonën e Shëngjinit./Gazeta InLajmi
Fotografia e zjarrit në Shëngjin
