Virusi Nil nuk është përhapur në Kosovë, por Instituti Kombëtarë i Shëndetit Publik bën apel për kujdes nga pickimi i mushkonjave.
Lindita Ajazaj – Berisha, Drejtoreshë e Klinikës Infektive në Qendrën Klinike Universitare të Kosovës (QKUK), përmes telefonit ka thënë se në Kosovë deri me tani nuk ka pasur raste të infektimit me këtë virus.
“Ne deri me tani nuk e kemi asnjë rast në klinikë që është ardhur pozitiv, por kemi bërë përgaditjet e duhura, sepse edhe viteve te kaluara kur kemi pasur raste dhe nuk kemi pas probleme”, perfundoi Ajazaj- Berisha.
Ky virus transmetohet tek njerëzit kryesisht nëpërmjet pickimit të mushkonjave.
Ndërsa, Era Pireva, zëdhënse për media në IKSHP, përmes një pronocimi per InLajmin thotë se Virusi i Nilit perëndimor është shfaqur në Ballkan, por jo në Kosovë.
Pireva tha se virusi i Nilit mund të shkaktoj sëmundje fatale neurologjike te njerëzit dhe se është vdekjeprurës.
Ajo tutje shtoi se megjithëse, përafërsisht 80% e njerëzve që janë të infektuar nga ky virus nuk tregojnë asnjë simptomë.
“Shenjat dhe simptomat e infektimimit me VNP mund të jetë jo-simptomatik (pa simptoma) në rreth 80% të njerëzve të infektuar, ose mund të qoj në ethet e Nilit Perëndimor ose në sëmundje të rënda të Nilit Perëndimor. Ethet e Nilit Perëndimor zhvillohen të rreth 20% e njerëzve të infektuar me VNP. Simptomat përfshijnë temperaturë dhembje koke, lodhje dhe dhembje të trupit, të përziera, të vjella, herë pas here skuqje të lëkurës dhe ënjtje të gjëndrave limfatike”, tha Pireva.
Kjo sëmundje mund të shfaqet tek njerëzit e secilës moshë, mirëpo njerëzit mbi moshën 50 vjeçare dhe personat me imunitet te zbehur janë në rrezik të madh që të sëmurën rëndë pas infektimit me VNP.
Për herë të parë në Evropë virusi Nil u shfaq në Çeki tek dy udhëtarë shqipëtarë, ndërsa në vitin 2011 virusi u shfaq edhe në vendin tonë mirëpo deri më tani nuk ka pasur viktima./InLajmi/
