Më pak pjesë lëvizëse si rregull i përgjithshëm, veturat elektrike duhet të kenë më pak prishje sesa ato me benzinë dhe naftë ose hibridet e bazuara në motorët me djegie të brendshme.
Por si është në praktikë? Më pak prishje, por më shumë vizita në punishte, e cila si rregull zgjat më shumë, kështu do të lexohej shkurtimisht përmbledhja e statistikave për automobilat elektrik.
Intensiteti i riparimeve të veturave elektrike dhe atyre konvencionale ndryshon ndjeshëm, siç ka treguar tani një sondazh i pronarëve të automjeteve i kryer nga agjencia e kërkimit të tregut Uscale.
Besueshmëria e veturave elektrike në jetën e përditshme është mjaft e lartë: vetëm 11% e drejtuesve të makinave elektrike kërkuan ndërhyrje në rrugë për shkak të avarive në 12 muajt e fundit, ndërsa shkalla për përdoruesit e motorëve me djegie të brendshme ishte 19%.
Megjithatë, gjatë së njëjtës periudhë, automjetet elektrike duhej të shkonin më shpesh në qendrën e shërbimit: 24% e pjesëmarrësve në anketë kishin defekte teknike në makinë dhe 19% duhej të shkonin në qendrën e shërbimit për shkak të një tërheqjeje nga prodhuesi, shkruan Tëvë1.
Shifrat krahasuese për motorin me djegie të brendshme ishin dukshëm më të ulëta në 9% dhe 5%, respektivisht.
