Anëtari i PDK-së në Komisionin Qendror të zgjedhjeve, Ilir Gashi, thotë se udhëzimi administrativ për shkarkimin e katër kryetarëve në vëri është antikushtetues.
Sipas tij, antikushtetues dhe joligjor është edhe vendimi i KQZ-së që u prezantua sot, në të cilin u vendos që më datë 21 prill të votohet për shkarkimin e kryetarëve.
“Udhëzimi administrativ është antikushtetues dhe KQZ-ja nuk iu superdinohet udhëzimeve administrative të institucioneve tjera. Sepse, ku është pastaj pavarësia institucionale e KQZ-së. Pra, udhëzimi si i tillë është antikushtetues, pastaj ka rrjedhur edhe vendimi i sotëm i KQZ-së, që unë konsideroj me bindje të thellë se është vendim joligjor dhe jo kushtetues”, tha ai
Gashi tha se brenda KQZ-së ka ndërhyrje si dhe presione, duke thënë se krahas tyre u mundua që të votohet për mbajtje të zgjedhjeve.
“Mendoj se ka ndërhyrje në KQZ edhe te anëtarët, ka presione, për faktin se një kërkesë që KQZ-ja të shpallë një datë të zgjedhjeve, sepse është datë e zgjedhjeve se qytetarët kanë me dalë me zgjedhë, në qoftë se dëshirojnë që ata kryetarë me vazhdu punën ose jo. Kolegët e tjerë kanë ndryshuar bindjet e tyre dhe kanë votuar ashtu siç ata kanë menduar që ndoshta kanë të drejtë”, shtoi ai në emisionin “Ditari” në Tëvë1.
Sipas tij, KQZ nuk mund të shpallë datë të zgjedhjeve.
Gjatë ditës së sotme në mbledhjen e KQZ-së, me 8 vota për, asnjë kundër dhe 2 abstenime u votua 21 prilli si datë për mbajtjen e votimit të kryetarëve në komunat veriore të vendit.
