Për nder të ditës së veteranëve, ish kryeministri Ramush Haradinaj zhvilloi një vizitë te përfaqësuesit e kategorive të dala nga lufta, raporton InLajmi.
Pas përfundimit të kësaj vizite, Haradinaj u drejtua me disa kritika Qeverisë ndaj mënyrës së trajtimit të kësaj kategorie.
Ai theksoi se duhet pasur më shumë nderim dhe rrespekt për veteranët e luftës, pasi që nuk do të ishim këtu ku jemi pa ta.
“E kam nderi që të jem në zyrën e organizuar e dal nga lufta. Në Kosovë kanë ndodhur shumë padrejtësi pas luftës, një nga padrejtësitë është edhe lakmi, apo marrja me emrin e veteranit iu siguroj se nuk do të ishim në liri, do të ishim nën njerëzit e Arkanit, pa veteranët pa ata që kanë luftuar. Edhe liria jonë nuk është e sigurt nëse ne nuk i vlerësojmë dhe nderojmë si duhet vlerat e lirisë”, tha ai.
Më tutje Haradinaj u shpreh se kryetari i qeverisë po i nëpërkëmb vlerat e luftës dhe po tregon më shumë rrespekt për vlerat e të tjerëve dhe përpiqet ti nënçmojë ushtarët e policët. Pavarësisht kësaj sjellje, kryetari i AAK shprehet i bindur se ata që e duan lirinë janë më të fortë se kurrë.
“Për fat të keq kemi mbërri në një kohë kur kryetari i Qeverisë është më i dashur me vlerta e të tjerëve se me vlerat e veta, me vlerat e lirisë së vet, me UÇK-në, me ushtrinë e vet me policinë e vet, në secilën situatë ai gjen arsyeje me i poshtëruar, me i nëpërkëmbë, e fyer. Unë besoj që kurrë më të fortë nuk kemi qenë, ata që i duan vlerat e lirisë që e duan atdheun, kurrë më të fortë nuk kemi qenë”, tha Haradinaj.
Ramush Haradinaj gjatë luftës ka qenë komandant i Zonës së Dukagjinit. /InLajmi/
