Disenjatori Dan Faires na jep disa ide se si mund të dekorojmë ambientin e jashtëm të shtëpisë me zbukurime krejtësisht natyrale për festat e fundvitit.
Për zbukurimin e derës së jashtme përdorim degët nga pemët natyrale duke u dhënë forma dhe stil festiv. Kurorës së mirëseardhjes i është dhënë forma katrore, të cilën mund ta zbukuroni me lule ose aksesorë të tjerë si, drita, lodra etj. Përdorimi i flokëve të dëborës është shumë interesant duke përdorur ngjyrën e kuqe, si ngjyra tradicionale e festave. Për to mund të përdorim copa, të cilat i presim në formën e duhur dhe i varim në oborr.
Në lidhje me ndriçimin, ide shumë origjinale dhe mbi të gjitha natyrale është përdorimi i kërcejve të pemës, të tilla si në foto. Mbi to vendosim qirinjtë, kjo metodë krijon shumë atmosferë të ngrohtë mirëseardhjeje, shkruan Living.al
Aksesorë të tjerë që mund të përdorim gjatë këtyre ditëve janë të shumtë, të tipit; jastëkë të kuq, zbukurime të ndryshme me dritat, çorapet e famshme të dhuratave etj. Sado të vogla të jenë zbukurimet ato sjellin shumë ngrohtësinë e festave dhe gëzim në sytë e të gjithëve.
