Ani pse jemi në muajin e janarit, bora ende këtë vit nuk ka mbizotëru në vendin tonë.
Fillimi i vitit zakonisht pritet nga bora por kjo gjë këtë herë nuk ka ndodhur, madje as reshje të shhiut nuk ka pasur, shkruan InLajmi.
Derisa ne epresim borën, Prishtina Weather na ka sjellur disa dokumente, raportime e fotografi të gazetës “Rilindja”, e të dhënave se si ishinn temperaturat pikërisht në këtë periudhë kohore, para 35 vjetësh, ku u regjistrua i ftohti më i madh në vend që ishte.
Ky është postimi:
Pikërisht para 35 vjeteve, në pjesën e parë të muajit janar, mbi vendin tonë, rajon dhe disa pjesë të Europës një stuhi polare solli acar dhe reshje të mëdha të borës. Më 13 janar 1985 u regjistruan edhe disa nga temperaturat më të ulëta në vend.
Më poshtë po sjellë disa raportime dhe fotografi në gazetën Rilindja gjatë atij muaji, të cilat këto ditë i gjeta në arkivin e Bibliotekës Kombëtare të Kosovës. Sipas raportimit të gazetës më 14 janar 1985, Prishtina cilësohej si vendi më i ftohtë në Europë.
Temperaturat minimale që u regjistruan më 13 janar të vitit 1985 në vendin tonë janë si vijojnë më poshtë:
Prishtinë – -27.2C,
Pejë – -24.8,
Gjakovë – -28C më 12 dhe 13 janar,
Istog – -25C,
Klinë – -30.8C,
Dragash – -20C,
Prizren – -23.6C,
Mitrovicë – -29C,
Ferizaj – -28.1C
Sipas matjeve në tri stacionet kryesore të Kosovës trashësia e borës kishte arritur në:
Prishtinë – 44cm
Pejë – 99cm
Prizren – 85cm
Duhet të theksohet se atë vit edhe muaji shkurt ishte i ftohtë, dhe se kishte edhe mbi 5 ditë temperatura të ulëta nën -20C./InLajmi/
