Dështon edhe tentimi i 5 për konstituimi i Komisioni Hetimor Parlamentar për me procedurate furnizimit e menaxhimit të rezervave shtetërore, kjo për shkak të bojkotit të mbledhjes nga ana e deputetëve të mazhorancës raporton InLajmi.
Bojkotin e deputetëve të pozitës, opozitarët nuk e arsyetojnë ndërsa shprehen se kjo mungesë në mbledhje shpërfaqë frikën e tyre për “zbulimin” e keqpërdorimeve.
Kryesuesi i këtij Komisioni Rashit Qalaj, shprehet se mungesa e deputetëve të pozitës në formimin e komisionit hetimor është shqetësuese, ndërsa bëri të ditur se kanë kërkuar sqarim nga Zyra Ligjore e Kuvendit se si të veprohet në rastet e bojkoteve të tejskajshme.
“Siç e shini edhe sot po mungojnë pa arsye deputetët e VV-së. Me të vërtetë është shqetësuese që një parti që është thirru vazhdimisht në sundimi e ligji dhe të drejta pengon iniciativat e cila është duke preokupuar të gjithë qytetarët. Mungesa e VV-së i shton dyshimet për shkak se i frikohen daljes në publik të keqpërdorimeve me rezervat shtetërore”, u shpreh Qalaj.
Sipas tij, mungesa e deputetëve të VV-së sikur vërteton dyshimet e ngritura për keqperdorimin me rezervat shtetërore.
“Këto dyshime për mua tashmë janë më shumë se dyshime për shkak se nuk e kemi mbështetjen e partisë në pushtet. Pra sot është hera e 5-të e tentimit të kostituimit të këtij Komisioni me të vetmin qëllim që të mbulojnë të gjitha ato dyshime për keqpërdorime për rezervat shtetërore. Ne i kemi dërguar një shkresë Zyrës Ligjore të Kuvendit, tek kryetari i Kuvendit se si të veprohet tutje pas bojkotimit të deputetëve të VV. Ende nuk kemi pranuar ndonjë vendim. Do të vazhdojmë të bëjmë përpjekje për konstituimim e këtij Komisioni”, tha deputeti i PDK-së, Rashit Qalaj.
Kritika për bojkotimin e mbledhjes nga deputetët e VV-së ku do të votohej për formimin e Komisionit Hetimor, pati edhe deputetja e LDK-së Valentina Bunjaku, e cila gjithashtu u shpreh se anëtarët e pozitës nuk po marrin pjesë në mbledhjes për shkak se nuk dëshirojnë që të zbardhet e vërteta në lidhje me rezervat e shtetit.
Ajo shkoi edhe më larg ndërsa theksoi se mospjesëmarrja e deputetëve të VV-së në konstituimim e këtij Komisioni është duke u bërë me urdhër të kryeministrit Albin Kurti.
“Është e qartë se ata nuk dëshirojnë që të marrin pjesë që të zbardhin të vërteta. Ata nuk marrin pjesë këtë sepse janë nxënës të mirë të Kurtit. Mos pjesëmarrja e tyre këtu është për shkak të urdhrit të Albin Kurtit. Unë propozoj që ky Komision të thirret prapë të premten deri sa ata të lodhen. I kisha bërë thirrje Albin Kurti që t’i lëshoj nxënësit që të vijnë në orën e mësimit”, tha Bunjaku.
Deputeti i AAK-së, Pal Lejka, tha se meqë nuk duan konstituimin e komisionit, po shihet se VV-ja është duke fshehur keqpërdorimet.
“Po shishet qartë se ata nuk do të vijë dhe në çdo mënyrë do të mundohen që të pengojnë. Mendoj që kjo duhet të thuhet qartë këtu po e fshehin hajnin, po i fshehin keqpërdorimet dhe po jeni pengues të interesit publik. Mendoj që është e udhës që në ditët në vijim të kemi saktë se kush do të jetë dëshmitarë të mos fshehët të bëhet qartë që mazhornaca e ka interes që t’i mbron ata dëshmitarë”, tha Lekaj.
