Myftiu i Kosovës Naim Tërnava, ka reaguar pas bombardimit të spitalit në Gaza ku humbën qindra qytetarë, ndërsa e quan akt krimi kundër njerëzimit, tranmeton InLjmi.
Ai tha dhuna duhet të ndalohet dhe të parandalohet Holokausti i ri.
Tërnava, i bëri thirrje botës demokratike që të veprojnë me shpejtësi në parandalimin e ndonjë kasaphanje të mundshme e për të cilën do të jemi përgjegjës gjithnjë.
“Jam i tmerruar e i trishtuar pas lajmit për bombardimin dhe granatimin e spitalit në Gaza, ku humbën jetën qindra qytetarë të pambrojtur e të pafajshëm, gra, fëmijë, të sëmurë dhe të plagosur.Dënojmë në formën më të ashpër këtë veprim, i cili është krim kundër njerëzimit. Ftoj botën demokratike e qytetëruese, që të ndërmarrë hapa e të veprojë me shpejtësi në parandalimin e një kasaphaneje në Gaza, për të cilën do të jemi përgjegjës që të gjithë”, u shpreh Tërnava.
Tutje ka theksuar Muftiu se ”Duhet gjetur mundësitë e premisat për ndaljen e luftimeve, kthimin në dialog e marrëveshje, si dhe rrugën për jetë në paqe e qetësi për të 2 popujt. Të ndalojmë dhunën, të parandalojmë holokaustin e ri!”./InLajmi/
