Zëdhënësi i Partisë Demokratike të Kosovës Faton Abdullahu, ka dhënë 8 arsyet se pse vendi duhet të shkon në zgjedhje të reja, përcjell InLajmi.
Sipas Abdullahut njëra nga arsyet është deformormi i raporteve të Kosovës me SHBA-të, krijimi i rrethanvae regresive të dëmshme për sovranitetin në veri.
Si arsye tjetër sipas tij është edhe largimi i qytetarëve nga Kosova si asnjëherë më parë.
Zëdhënësi i PDK-së gjithashtu thotë se tjetër arsye që vendi të shkojë në zgjedhje është plasaritja e marrëdhënieve me Shqipërinë, kjo për shkak të bajraktarizmit të qeverisjes aktuale, në krye me një autokrat populist.
Postimi i plotë i tij:
Pse duhet shkuar në zgjedhje të reja
- Sepse janë deformuar raportet tona, sidomos me SHBA-në, por edhe me krejt konceptet evro-atlantike mbi shtetndërtimin dhe demokratizimin e vendit tonë dhe mbi lirinë dhe paqen në rajon.
- Sepse janë krijuar rrethana regresive dhe të dëmshme për sovranitetin tonë në veri, në të mirë të një autonomie politike për atë pjesë të Kosovës.
- Sepse janë duke u larguar si asnjëherë më parë nga Kosova shumë qytetarë, sidomos të rinj (120.000 vetëm 2 vitet e fundit).
- Sepse janë deformuar marrëdhëniet me Shqipërinë si kurrë më parë për shkak të bajraktarizmit të papërmbajtur të qeverisjes aktuale me në krye një autokrat populist.
- Sepse ka pakt tinëzar dhe neveritës me korrupsionin në shumë fusha të shoqërisë e sidomos në energjetikë si në rastin Martin Berishaj.
- Sepse ka bindje hamshore prej një majtizmi të eksportuar në mënyrë klandestine se, politika qeveritare sot me patjetër, duhet të jetë mbi ligjin, mbi mediat, mbi shoqërinë civile, bile edhe mbi gjyqësorin, sepse të gjitha janë të deformuara në këto dy dekadat e fundit.
- Sepse qeveritarët sot nuk dinë por refuzojnë bashkëpunimin, nuk munden por nuk pranojnë ndihmën, nuk kanë përvojë por nuk duan këshilla, e kanë inatin më të madh se logjikën, bindjen politike fe e mbi fe.
- Poshtë populizmi zgjedhje të reja sa më shpejt për të mirën e Kosovës dhe për të mirën e qytetarëve të saj/InLajmi/
