Artisti i mirënjohur shqiptar Visar Peja këtë të shtunë vjen në një rrëfim ndryshe për sukseset në muzikë por edhe sfidat që ka kaluar gjatë rrugëtimit të tij, shkruan InLajmi.
Peja ndan detaje të ndryshme e të pa dëgjuara më parë në një intervistë ekskluzive për InLajmin.
InLajmi: Tash e sa vite jeni pjesë e skenës shqiptare si e përshkruani këtë?
Visar Peja: Të jesh pjesë e tregut muzikor nuk është e lehtë, por sa do që e vështirë që është të jep kënaqësi pafund! Unë mundem me e përshkruar si një pjesë shumë të bukur të jetës sime ku kam përjetuar gjëra shumë të bukura të cilat do të më shërbejnë në jetë!
InLajmi: Sa mbështetje ka qenë babai juaj në rrugën e muzikës?
Visar Peja: Vet prania e babait në karrierë të jep lehtësi por edhe shumë përgjegjësi në rrugëtim. Personalisht më ka ndihmuar shumë në volumin e punës që e kam bërë.
InLajmi: A keni ndonjë projekt muzikor që pasi e keni publikuar jeni penduar?
Visar Peja: Nuk ka pas ndonjë projekt të tillë sepse paraprakisht e analizoj si shumë.
InLajmi: Sikur baba i juaj edhe ju vazhdoni te ruani traditën e këngës popullore, si po arrini të sfidoni muzikën komerciale?
Visar Peja: Nuk është e lehtë të sfidosh tregun, por secili këngëtar e ka publikun e vet i cili e përcjell…unë për momentin mund të them që jam me fat sepse kam adhurues që nuk më lejojnë të pushoj.
InLajmi: Si do të jetë sezoni veror për ju, më shumë do të jeni i angazhuar në dasma apo mbrëmje muzikore?
Visar Peja: Sezoni veror është i kënaqshëm dhe shpresojë të kemi shëndetin dhe të kryejmë me sukses.
InLajmi: Keni realizuar disa këngë në duet me babain tuaj, legjendën e këngës popullore Ismet Peja, a mund të na flisni se cilat kanë qenë emocionet që keni përjetuar me babain në skenë?
Visar Peja: Në rastin tim në duet me babain është diçka më ndryshe se nga kolegët e mi sepse unë në skenë kam dal me prindin jo me kolegun…ndjenjat janë më tepër raport prind-fëmijë.
InLajmi: A mund të na flisni për planet tuaja në të ardhmen në fushën e muzikës popullore?
Visar Peja: Planet sigurisht që janë plane pune për të mos u ndalur që të jemi pranë publikut tonë.
InLajmi: A do të ishte ide brilante që së bashku me gjithë kolegët e estradës të organizoni një koncert madhështor me këngë popullore në kryeqytet?
Visar Peja: Ideja qenka fantastike dhe shpresoj që një ditë do të del një organizator/e që do e organizojë një ngjarje të tillë. LIBONA GEGAJ
