Në Rusi, dhoma e ulët e Parlamentit, Duma e Shtetit, ka miratuar ligjin që vendos dënime për ata që diskreditojnë ata që morën pjesë në “operacionin special ushtarak” në Ukrainë.
Sipas ligjit të miratuar nga Duma, ata që diskreditojnë të gjithë personelin e përfshirë në operacion, duke përfshirë njësitë vullnetare, ndërmarrjet dhe individët që ndihmojnë Forcat e Armatosura Ruse, do të dënohen me burg dhe gjoba.
Sipas ligjit, dënimi me 3 vjet burg u rrit deri në 5 vjet për arsyen e lartpërmendur. Personat që kryejnë veprime që mund të shkaktojnë vdekjen e shtetasve të tjerë dhe përkeqësimin e rendit dhe sigurisë në vend mund të dënohen me burgim deri në 7 vjet në vend të 5 vjetëve, transmeton A2CNN.
Në varësi të situatës, individët në fjalë mund të gjobiten nga 30 mijë deri në 1 milion rubla në vend të burgimit. Përveç kësaj, me ligjin në fjalë, ata që “përhapin informacione të rreme” për luftën në Ukrainë do të dënohen deri në 15 vjet burg.
