Në Kamenicë, shërbimet gjinekologjike, nuk ofrohen tash e pesë vjet.
Situata do të ndryshojë së shpejti, meqë objekti për një ordinancë të tillë është pothuajse në përfundim.
Drejtoresha e Shëndetësisë në Komunën e Kamenicës tha se kjo është e rëndësishme për shkak se këtu mund të kryhen kontrolle të rregullta të pacienteve me nevojë.
Sipas saj, ata që kanë nevojë për gjinekolog, shërbimet pritet t’i marrin nga muaji shkurt.
E kryetari i komunës, Kastrati, tha se kjo po bëhet si rezultat i bashkëpunimit të komunës me Ministrinë e Shëndetësisë, raporton Klan Kosova.
Për mungesën e gjinekologëve është raportuar edhe më parë.
