Para disa javësh reshjet e shiut shkaktuan vërshime të tmerrshme në disa komuna të Kosovës, komunat që pësuan më së keqi ishin ajo e Skënderajt, Mitrovicës, Klinës, Istogut, Pejës, Podujevës, Gjakovës, përcjell InLajmi.
Vlerësimi i dëmeve nga vërshimet nuk ishte i lehtë dhe mori javë për të përmbledhur kështu në shifra vlerën e dëmit.
Por duke se vlerësimin e dëmeve materiale e përfundoi më shpejt Komuna e Skenderajt, ndërsa udhëheqësi i saj Fadil Nura, bën të ditur se nga vërshimet janë prekur 372 familje.
Ndërkohë që sipas kryetarit Nura dëmet e vërshimeve kapin shifrën prej 12.203.029.29 milionë eurove.
Nura tha së për kompensimin e dëmeve sytë i kanë kah Qeveria e Kosovës të cilës edhe ia kanë dorëzuar vlerësimin e dëmeve.
Postimi i plotë i tij:
Le të jetë kjo javë me lajme të mira nga niveli qendror për ato 372 familje të prekura nga fatkeqësia e përmbytjeve të 19 janarit, që ua shkatërroi pothuajse plotësisht mundin disavjeçar, për bizneset që humben një pjesë të pasurisë, për bujqësinë dhe të mbjellat që i mori lumi, infrastrukturën publike dhe për çdo dëm tjetër të shkaktuar një muaj më parë!
Pas nënshkrimit të kërkesës zyrtare për kompensim të dëmeve, në një vlerësim ku ishin përfshirë njohës të fushave dhe ekspertë, duke vlerësuar kujdesshëm çdo humbje materiale, sot po u drejtohemi Agjencionit për Menaxhimin e Emergjencave dhe Komisionit Qendror të Qeverisë për vlerësim të dëmeve për fjalën përfundimtare – kompensimin e dëmit në vlerën e 12,203,029.29 milionë eurove./InLajmi/
