Kryeministri në detyrë, Ramush Haradinaj përmes një postimi në Facebook ka treguar se sot ka pranuar një letër urimi nga presidenti i Shqipërisë, Ilir Meta duke i uruar festat e fund vitit, shkruan InLajmi.
Ai ka thënë ashtu si çdo herë përmes letrës ka marrë konfirmimin nga ana e tij gatishmërinë që dy shtetet të fuqizojnë lidhjet.
“Në prag të festës së ndërrimit të moteve kam pranuar një letër urimi nga presidenti i Shqipërisë, z. Ilir Meta.
Me urimet më të mira për Vitin e Ri 2020 nga z. Meta, si President i Shqipërisë, por edhe si një mik shumë i afërt i imi, pata kënaqësinë si çdoherë që edhe përmes kësaj letre të marrë edhe njëherë konfirmimin nga ana e tij për gatishmërinë që dy shtetet tona të ndërtojnë dhe fuqizojnë lidhjet, në të mirën e përbashkët të qytetarëve tanë.
Faleminderit z. Meta. Urimet tona më të mira edhe për ju dhe Shtetin tuaj!”, ka shkruar Haradinaj./InLajmi/
